“Jara” beynəlxalq musiqi festivalında duet oxuyan Xalq artistləri Filipp Kirkorov və Aygün Kazımova bir müddətdir ki, Rusiya mediasının gündəmindədir.

Cütlüyün bir gecədə iki dəfə səhnədə çıxış etməsindən sonra Kazımova xarici KİV-in diqqətini çəkib.

Bundan əlavə, Kirkorovun Aygünə olan diqqəti, Xalq artistini rəsmi instaqram hesabında izləməsi, onun paylaşımlarına tez-tez rəy yazması müzakirə mövzusuna çevrilib.

Rus mediası Aygün Kazımova və Filipp Kirkorovun bu səmimi münasibətləri barədə məqalələr dərc edir, hətta cütlüyün sevgili olduğunu da iddia edir.