Almaniya bomba sığınacaqları və bunkerlər şəbəkəsini sürətlə genişləndirmək planları hazırlayır.
Hökümətin ən yüksək səviyyəli mülki müdafiə rəsmisi ölkənin növbəti dörd il ərzində Rusiyanın hücumuna hazır olması barədə xəbərdarlıq edərək bu barədə bildirib.
Mülki Mühafizə və Təbii Fəlakətlərə Yardım üzrə Federal Ofisin (BBK) rəhbəri Ralf Tisler Avropanın ən böyük iqtisadiyyatının münaqişənin reallığını qəbul etməli olduğunu və Almaniyanın buna kifayət qədər hazırlıqlı olmadığını bildirib.
O, “Süddeutsche Zeitung” qəzetinə deyib: “Uzun müddət Almaniyada belə bir fikir geniş yayılmışdı ki, müharibə olmayacaq və buna hazırlaşmağa ehtiyac yoxdur. Vəziyyət dəyişib. Biz Avropada böyük işğalçı müharibə riskindən narahatıq”.
Tiesler, tunelləri, metro stansiyalarını, yeraltı qarajları, dayanacaqları və ictimai binaların zirzəmilərini tezliklə 1 milyon insanın qoruyucu sığınacaqlarına çevirmək üçün milli səy göstərməyə çağırıb. Onun ofisi bu ilin yayın sonunda hərtərəfli plan təqdim edəcək.
O əlavə edib ki, ölkə zamanla yarışdadır və yeni bunkerlərin tikintisinə arxalanmaq kifayət deyil.
Tisler bildirib ki, belə sığınacaqların layihələndirilməsi və tikintisi çox vaxt aparacaq və çox bahalı olacaq, ona görə də mövcud strukturlara təcili baxmaq lazımdır.
