Braziliyada dərmana davamlı ölümcül “Candida auris” xəstəliyinə ilk yoluxma hadisəsi qeydə alınıb.
“Göbələk Baiya ştatındakı xəstəxanada yetkinlər üçün reanimasiya şöbəsinə yerləşdirilən xəstədən götürülən nümunədə müəyyən edilib”, – deyə bildirilib.
Tədqiqatın nəticəsi iki laboratoriyada təsdiqlənib.
“Candida auris” ştammları üç əsas göbələkəleyhinə dərmana (polyenes, azoles və echinocandins), həmçinin dezinfeksiyaedicilərə qarşı davamlıdır. Bundan əlavə, göbələk digər xəstəliklərlə müşaiyət edildikdə qan dövranı yoluxmaları da daxil olmaqla infeksiyalara səbəb olur ki, bu da ölümlə nəticələnir.2019-cu ildə ABŞ və Niderlanddan olan bir qrup alim “Candida auris” supergöbələyin Yer üzünə yayılmasına qlobal istiləşmənin səbəb olduğunu bildirib. Göbələklər ümumiyyətlə insan bədən istiliyində çoxala bilməməsinə baxmayaraq, qlobal istiləşmə sayəsində “Candida auris” uyğunlaşıb və artıq 37 dərəcə temperaturda həyatda qalmağı bacarır.
