Dörd Fransa vətəndaşı Qazaxıstanın Baykonur kosmodromunun ərazisinə qanunsuz daxil olmağa cəhd edib.
Bu barədə “Life SHOT” “Telegram” kanalına istinadla məlumat yayın.
Saxlanılanların özlərinin dediyinə görə, onlar “Energia” reaktiv daşıyıcısının şəklini çəkməyə hazırlaşıblar.
Onlar kosmodrom ərazisinə xüsusi sənədlər olmadan daxil olublar və istismardan çıxarılan dinamik sınaq stendinin yaxınlığında 112 “A” platformasının ərazisində aşkar ediliblər.
Saxlanılanların yaşları 22-37 arasında olub. Mühafizə olunan obyektin girişinə nəzarət sistemini pozduqları üçün onlara qarşı protokol tərtib edilib, bundan sonra onlara 5 min rubl (100,66 AZN) cərimə ödəmələri əmr edilib.
Saxlanılanlar kosmodromun işinə mane ola bilməyiblər. Bu, artıq bir həftə ərzində Baykonura sızmaq üçün edilən ikinci cəhddir.
Aprelin 2-də Baykonurda Buran kosmik gəmisinə qalxmağa cəhd edən üç ispan və bir avstraliyalı saxlanılıb.
2024-cü ilin noyabrında hüquq-mühafizə orqanları Baykonurda Fransa və Almaniya vətəndaşlarını saxlayıblar. Onlar Baykonurda olarkən Energia reaktiv daşıyıcısını lentə almağa cəhd ediblər.
