Vətən müharibəsində işğal altında olan torpaqlarımızın azad edilməsi uğrunda gedən döyüşlərdə şəhidlik zirvəsinə ucalan Aslanov Bəxtiyar İlqar oğlu bu gün son mənzilə yola salınıb.
Müharibənin bitməsinə baxmayaraq, itkin kimi aylardır axtarışları davam edən hərbi qulluqçunun cənazəsi Murov dağın Ağbaba yüksəkliyində aşkar olunub.
Müddətdən Artıq Həqiqi Hərbi Xidmət keçən Hərbi Qulluqçu (MAHHXHQ) anası ilə son dəfə sentyabr ayının 27-də əlaqə saxlayıb.
Dəfn mərasimində şəhidimizin yaxınları, Naftalan Şəhər İcra Hakimiyyətinin başçısı Vüqar Novruzov, millət vəkili Anar Məmmədov və hüquq mühafizə orqanlarının rəhbərləri iştirak ediblər.
