Qadın sərnişinlərə qeyri-etik təkliflər edən 29 nəfər taksi sürücüsü inzibati məsuliyyətə cəlb olunub.
Daxili İşlər Nazirliyinin (DİN) Mətbuat Xidmətinin şöbə rəisi, polis mayoru Elşad Hacıyev həmin sürücülərdən biri ilə bağlı paylaşım edib.
“Saxlanılan taksi sürücülərindən birinin başqa-başqa adlar altında, müxtəlif məqsədlər üçün açılan “Facebook” üzrə 44 profili, altı səhifəsi, dörd “TikTok” hesabı, 12 “Instagram” profili olması müəyyən edilib”, – deyə paylaşımda qeyd olunub.
