Şəhid Aqşin Faiq oğlu Ənvərlinin 4- cü il dönümü əvvəlcə Xirxatala kəndində məzarı ziyarət olunmuşdur.
Məzarı üzərinə gül dəstələri qoyulmuş, ruhuna dualar oxunmuşdur.
Tədbirdə rayon icra hakimiyyətinin nümayəndələri, Qəbələ TV,, şəhid ailələri, qazilər , Dünya Azərbaycanlıların Mədəniyyət Mərkəzi, Sabitlik və İnkişaf Mərkəzi, İB Qəbələ rayon nümayəndəliyin rəhbəri, Mədəniyyət işçilıri, şəhidin hərbiçi yoldaşları, yazarlar ,qazilər, səhiyyə işçiləri , Qəbələ rayon dörd saylı tam orta məktəbin müəllimi kollektivi rayon sakinləri, yaxınları, ailə üzvləri iştirak etdilər.
Şəhidin atası Faiq Ənvərli çıxış edərək, oglu ilə fəxr etdiyini söylədi, gələn qonaqlara öz təşəkkürünü bildirdi.
Aqşin Faiq oğlu Ənvərli 1994-cü il oktyabrın 10-da Qəbələ şəhərində anadan olub.2001-2012-ci illərdə Qəbələ şəhəri Nicat Apayev adına 4 nömrəli tam orta məktəbdə təhsil alıb. Ali təhsilini isə 2012-2018-ci illərdə Azərbaycan Tibb Universitetində (ATU) alıb.
Aqşin Ənvərli 2018-ci ildə tibbi xidməti leytenantı rütbəsi ilə Azərbaycan Silahlı Qüvvələrinin Naxçıvan şəhərində yerləşən “N” saylı hərbi hissəsində xidmətə başlayıb.Bir müddət sonra isə Naxçıvan Xüsusi Təyinatlı Qüvvələrin Tibb Xidmətinin rəisi vəzifəsinə təyin edildi.
Azərbaycan Ordusunun leytenantı olan Aqşin Ənvərli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Cəbrayılın, Füzulinin, Qubadlının, Şuşanın və Xocavəndin azadlığı uğrunda gedən döyüşlərdə yaralanan hərbçilərə yerindəcə yardım edib. Döyüşlər zamanı səngərdə baş leytenant rütbəsi alıb .Aqşin Ənvərli noyabrın 6-da Xocavənd rayonu ərazisində gedən döyüşlərdə qəhrəmancasına şəhid olub. 18.11.2020 çi ildə Qəbələ rayonu Xırxatala kənd qəbristanlığında dəfn olunub
Allah cəmi şəhidlərimizə rəhmət etsin
Tədbir Lalə şadlıq sarayında ehsan süfrəsi arxasında davam etmişdir.
Allah rəhmət eləsin Şəhidlərimizə.
Təranə Alməmmədova .
Dünya Azərbaycanlıların Mədəniyyət Mərkəzi, Sabitlik və İnkişaf Mərkəzi Qəbələ rayon nümayəndəliyin rəhbəri
