Rusiya və Belarus prezidentləri – Vladimir Putin və Aleksandr Lukaşenko Putinin Kremldəki mənzilində danışıqlar aparıb, ən həssas mövzuları müzakirə ediblər.
“Telegram” kanalı məlumat yayıb.
Qeyd edilib ki, Lukaşenko 5-6 aprel tarixlərində Rusiyada işgüzar səfərdə olub.
“Danışıqlardan və Kremldə işgüzar şam yeməyindən sonra liderlər Kremldəki mənzildə bir neçə saat söhbət ediblər. Təbii ki, orada ən qapalı mövzular müzakirə olunurdu”, – deyə kanal qeyd edib.
Xatırladaq ki, bundan əvvəl Putin Kremldəki mənzilində Çin prezidenti Si Cinpinlə qapalı danışıqlar aparıb.
