Rusiya təsirli buzqıran donanmasını qurur və mütəmadi olaraq yeniləyir. ABŞ Hərbi Dəniz Qüvvələrinin istefada olan admiralı və NATO-nun keçmiş baş komandanı Ceyms Stavridisin “Bloomberg”-də dərc etdiyi məqaləyə əsasən, son dörd il ərzində üç nüvə enerjisi ilə işləyən buzqıran gəmi buraxılıb.
Məqalə “Putin Arktika buzlarını məhv edir, ABŞ isə çətinliklə suda qalır” başlığı ilə dərc edilib.
Stavridis qeyd edir ki, Ukrayna və Yaxın Şərqlə yanaşı, Arktika da tezliklə Rusiya və ABŞ arasında rəqabət meydanına çevriləcək: “Moskva bu regionda düşmən üzərində böyük üstünlüyə malikdir. Xüsusilə, bu ilin sonuna qədər Rusiya “NATO dünyasında başını döndərmiş” dizel-elektrik döyüş buzqıran İvan Papanin gəmisini işə salacaq.
Rusiyanın yeni döyüş buzqıran gəmiləri 76 mm-lik pulemyotlar və gəmi əleyhinə və qanadlı raketlər üçün buraxılış qurğuları alacaq. Eyni zamanda, yalnız Norveç buzqıran donanmasında oxşar gücə malikdir”.
Stavridis qeyd edir ki, Norveç buzqıran gəmiləri döyüş gəmiləri deyil. O, Birləşmiş Ştatların oxşar donanmasının olmamasından şikayətlənir.
Bundan əlavə, Çin də yarışa qoşula bilər və buzqıran gəmilərin tikintisinə başlayıb. Stavridis NATO-dan tələb edir ki, “Arktika bölgəsində qüvvələr yaratsın” və orada potensial hərbi toqquşma üçün planlar hazırlasın.
