Türkiyəli infeksionist, Prof. Dr. Alper Şener koronavirus xəstələrində ağciyər, böyrək, qaraciyər zədələnməsi və diabetin başladığını bildirib.
Həkim koronavirusun bu cür xroniki xəstələrin sağlamlıq sistemində ciddi bir yük yaratdığını bildirib.
Son zamanlarda artan yoluxmalarından danışan professor onun ağır nəticələrini belə ifadə edib: “Xəstəxanada yerlərin dolmasının səbəbi sadəcə bir problemdən qaynaqlanmır. Xəstəliyi keçirənlərdə ağciyər, böyrək, qaraciyər zədələnməsi, şəkər kimi xəstəliklər də görünməyə başlayıb. Bu tip xroniki xəstələrin sağlamlıq sistemində ciddi problemlərin meydana gələcəyini düşünürəm. Nə qədər erkən tədbir görülsə və tətbiq olunsa, problemin həlli bir o qədər asanlaşar. Bu zaman içində vaksinasiyanın sürətləndirilməsi lazım gələcək. Peyvənd vurdurmağa qorxmayın. Sağlamlıq mütəxəssislərinin hər gün söylədikləri maska, məsafə və əl gigiyenası kimi tədbirlərə tam riayət etmək və qapalı məkanlarda çox dayanmamaq lazımdır”.
