Kremlin sözçüsü Dmitri Peskov Nikol Paşinyanın ATƏT PA-nın sessiyasının açılışındakı çıxışına münasibət bildirib.
Paşinyan çıxışında “Azərbaycan ən yüksək səviyyədə dəstək alaraq, Ermənistan Respublikasını Qərbi Azərbaycan adlandırmağa başlayıb” iddiasını irəli sürüb.
Ermənistan liderinin fikrincə, bu, son dərəcə şübhəlidir və yeni müharibəyə hazırlıq kimi görünür.
Peskov Azərbaycanın dövlət səviyyəsində belə bəyanatlar ilə tanış olmadığını bildirib.
Onun sözlərinə görə, Moskva Bakıdan başqa bəyanatlar da eşidib: xüsusən, bir mərhələnin başa çatması və sülh müqaviləsi bağlamağa hazır olması barədə.
“Mən Paşinyanın bəyanatının bu hissəsi (Qərbi Azərbaycan və yeni müharibəyə hazırlığı) haqqında heç nə deyə bilmərəm”, – Peskov deyib.
Nikol Paşinyan çıxışında bildirib ki, “Ermənistan – Qərbi Azərbaycan” anlayışı Azərbaycan məktəblərində, universitetlərində tədris olunur və dövlət mediası vasitəsilə yayımlanır.
