Almaniyada 2021-ci ildə 1 016 899 ölüm halı qeydə alınıb.
Bu barədə məlumat Destatis federal statistika idarəsi tərəfindən yayılıb.
Məlumata görə, bu, 1 001 600 ölüm halının qeydə alındığı 1946-cı ildən bəri ən yüksək göstəricidir. Əgər 1946-cı ildə ölümün yüksək səviyyəsi ağır həyat şəraiti ilə izah olunurdusa, hazırda əhalinin yaşlanması və koronavirus pandemiyasının fəsadları səbəb kimi göstərilir.
Bildirilir ki, pandemiya ölümlərin miqdarını 3 faiz artırıb. Worldometer saytının son məlumatına əsasən, COVID-19 pandemiyasının başlanğıcından bəri AFR-də koronavirusdan 114 887 nəfər həyatını itirib.
