27.11.2021.
İdrisov Ruslan Qabil oğlunun Vətən müharibəsində şəhid olmasının 4 – cü ildönümü qeyd olundu
Əslən Qəbələ rayonu Qəmərvan kəndindən olan İdrisov Ruslan Qabil oğlu 2002 -ci il iyun ayının 6-sı Ukraynada anadan olmuşdur. 2009 -cu ildə Qəbələ rayonu 3 saylı tam orta məktəbin 1-ci sinfinə getməyə başlamış , 2020- ci il Zarağan kənd 2 saylı tam orta məktəbin 11 -ci sinfini bitirmişdir. 2020 ci il 11 iyulda həqiqi hərbi xidmətə getmişdir. Ruslan 2020 ci il 27 sentyabrda başlanan müharibədə həqiqi hərbi xidmət etdiyi Goranboy rayonunda yerləşən N saylı hərbi hissədən iştirak etmişdir .Ailəsi ilə sonuncu danışığı 21 sentyabrda olmuşdur. Müharibə vaxtı əlaqə saxlanıla bilməmiş, iki aya yaxın sonra şəhid olduğu təsdiqlənmiş, 27 noyabrda ailəsinə şəhid olduğu xəbəri verilmişdir.Şəhid İdrisov Ruslan 2020 ci il 28 noyabrda Qəbələ rayonu Soltannuxa kənd qəbristanlığında dəfn olunmuşdur. Bir bacısı və bir qardaşı var idi.
Vətən müharibəsində qəhrəmancasına döyüşmüş İdrisov Ruslan Qabil oğlunun şəhidlik zirvəsinə ucaldığı gündən 4 il keçir. Bu münasibətlə rayon icra hakimiyyətinin nümayəndələri,şəhid ailələri,qazilər, Qəbələ TV, idarə, müəssisə, təşkilatların rəhbərləri, Dünya Azərbaycanlıların Mədəniyyət Mərkəzi Sabitlik və İnkişaf Mərkəzi İB Qəbələ rayon nümayəndəliyin rəhbəri, şəhid ailələri, qazilər, şəhidin təhsil aldığı məktəbin kollektivi tərəfindən Ruslan İdrisovun məzarı ziyarət edilərək xatirəsi ehtiramla anılmış, məzarı üzərinə gül dəstələri qoyulmuş və ruhuna dualar oxunmuşdur.
Şəhidin anası Səfayə ana çıxış edərək gələn qonaqlara öz təşəkkürünü bildirmişdir.
Çıxış edənlər şəhidin ailəsinə başsağlığı vermişlər.
Tədbir ” İntellektual İnkişaf Mərkəzində” ehsan süfrəsi arxasında davam etmişdir
Təranə Alməmmədova
Dünya Azərbaycanlıların Mədəniyyət Mərkəzi Sabitlik və İnkişaf Mərkəzinin Qəbələ rayon nümayəndəliyinin rəhbəri
