Rusiyanın “Tsirkon” hipersəs raketi gəmilər üçün ölümcül təhlükə yaradır.
Bu barədə “National Interest” jurnalı məlumat yayıb.
“Əgər bu mərminin qeyd olunan xüsusiyyətləri və imkanları doğrudursa, o zaman bu gəmi əleyhinə raket bir neçə yüz kilometr radiusda olan gəmi üçün ölümcül təhlükə yarada bilər”, – məlumatda deyilir.
Bildirilir ki, bu, dünyanın ilk dəniz bazalı hipersəs raketidir, onun sürəti səs sürətindən doqquz dəfə yüksək olur.
“Zirkon” raketləri artıq “Project 22350” freqatları, ən yeni “Project 885M Yasen-M” sualtı qayıqları, həmçinin “Admiral Naximov” kreyseri və “Project 949A Antey” sualtı qayıqları ilə xidmətdədir. Gələcəkdə bütün yeni freqatların və korvetlərin də “Zirkon”la təchiz ediləcəyi gözlənilir.
