Böyük Britaniyadakı muzeylərdən birində qəribə hadisələr baş verməyə başlayıb.
Pandemiya dövründə binada yalnız təhlükəsizlik işçiləri ola bilər, lakin onlar üçün binaya adi giriş real imtahana çevrilib. Gecələr qapılar öz-özünə açılır və yanğından xəbərdarlıq sistemi sönür. Bu hələ ən qorxulusu deyil. Turistlər və yerli sakinlər təcrid rejiminə əməl etdikləri bir vaxtda salonlarda kim gəzişir?
Gecəyarısı ağır qapılar açılır, dəhlizlərdə ayaq səsləri və davamlı səslər eşidilir. Paranormal hallar üzrə tədqiqatçı Noy Ancel bu barədə deyir:
“Bir-birindən dəhşətli hekayələr eşitdim. Bir dəfə muzeydəki şüşəni təmizləyən işçilər mumiyaların şüşənin arxasında hərəkət etdiyini görüblər. Bundan sonra hamısı bir anda oradan çıxıblar. İndi koronavirus səbəbindən karantinə görə mumiyaların və digər paranormal hadisələrin aktivliyinin nə qədər artdığını öyrənməyə çalışıram”.
Britaniya muzeyinin sirləri, eləcə də onun zindanında olanları artıq London folklorundan ayırmaq çətindir. Ancaq hazırda onlara yeni rənglər əlavə olunub. Sürücülər dəfələrlə metro tunellərində sarkofaqı muzeyin salonlarından birində yerləşən qədim misirli rahibənin gəzdiyini görüblər. Yaxınlıqdakı stansiyadan iki qadının qaçırılmasında təqsirlinin bu keçmiş misirlinin olduğuna dair versiya nəzərdən keçirilib. Parfenondan barelyeflərin daşınması da az dəhşət doğurmur.
Muzey işçiləri iddia edirlər ki, qutulardan qışqırıq səslərini aydın şəkildə eşidirlər. Maya xəzinələrinin saxlandığı salonlarda temperaturun mənfi göstəricilərə qədər kəskin düşdüyü ehtimal olunur.
London indi böyük ruhlar şəhərinə bənzəyir.
