Türkiyənin xarici işlər naziri Mövlud Çavuşoğlu İslam Əməkdaşlığı Təşkilatının Xarici İşlər Nazirləri Şurasının Əfqanıstanda humanitar vəziyyətə həsr olunmuş növbədənkənar iclasında iştirak etmək üçün Pakistana səfər edib.
Türkiyənin xarici siyasət idarəsinin rəhbəri bu barədə özünün tviterdəki səhifəsində bildirib.
“İslam Əməkdaşlığı Təşkilatının Əfqanıstan üzrə Xarici İşlər Nazirləri Toplantısında iştirak etmək və ikitərəfli təmaslar aparmaq üçün qardaş Pakistandayıq”, – deyə M.Çavuşoğlu sosial şəbəkədəki hesabında yazıb.
