Rusiya və ABŞ nümayəndə heyətləri arasında danışıqların növbəti mərhələsi aprelin 10-da İstanbulda gözlənilir.
Bu barədə “RİA Novosti” məlumatlı mənbəyə istinadla məlumat yayıb.
“Görüş ayın 10-na planlaşdırılıb”, – agentliyin mənbəsi qeyd edib.
Bundan bir qədər əvvəl Rusiya Xarici İşlər Nazirliyi iki ölkənin diplomatik nümayəndəliklərinin fəaliyyətinin normallaşdırılmasına həsr olunmuş Rusiya-Amerika məsləhətləşmələrinin ikinci raundunun İstanbulda keçiriləcəyini açıqlamışdı. Rusiya nümayəndə heyətinə Rusiyanın Vaşinqtondakı səfiri Aleksandr Darçiyev rəhbərlik edəcək.
İştirakçıların formatı və tərkibi dəyişməz qalacaq. ABŞ nümayəndə heyətinə dövlət katibinin müavini Sonata Kulter rəhbərlik edəcək.
Aprelin 5-də Rusiya Birbaşa İnvestisiya Fondunun (RDIF) rəhbəri Kirill Dmitriyev bəyan edib ki, Rusiya ABŞ-la çətin danışıqlarda uğur qazanıb. Onun sözlərinə görə, Amerika Prezidenti Donald Trampın administrasiyası Rusiya tərəfi ilə dialoqda konstruktiv yanaşma və hörmətli münasibət nümayiş etdirib. Bundan əlavə, danışıqlar zamanı tərəflər birbaşa hava hərəkətinin bərpasını müzakirə ediblər.
