Əgər sizin 138 milyard dollar sərvətiniz varsa, Nyu-Yorkun 5-ci prospektində yerləşən premium mənzilin üç mərtəbəsini almaq su içmək qədər asandır. Necə ki bunu dünyaca məşhur iş adamı, “Amazon”un qurucusu Ceff Besoz edib.
Keçən ilin iyununda Ceff 80 milyon dollara ümumi sahəsi 1580 kvadratmetr olan üç mənzil alıb.
Bu ərəfələrdə isə iş adamı 16 milyona dollara daha bir dəbdəbəli mənzil alıb. Bütün mənzillər eyni binada və dörd yuxarı mərtəbədədir.
İlk üç mənzildə 12 yataq otağı var. Alınan yeni mənzilinin sahəsi 286 kvadratmetrdir, üç yataq otağı, beş vanna otağı və yemək sahəsi olan qonaq otağı var. Bundan əlavə, Ceff indi göydələnlərin və Madison Meydanının heyranedici və romantik mənzərəsi olan bir dam terrasına sahibdir.
Həmçinin, çoxmərtəbəli binada sakinlər üçün fitnes mərkəzi, qolf simulyatoru, SPA, kinoteatr, oyun otağı, uşaq otağı, istirahət sahəsi və kafe mövcuddur.
