Azərbaycan milli komandasının hücumçusu Rüfət Dadaşov çıxış etdiyi ABŞ-ın birinci liqasında (USL) növbəti oyununa çıxıb.
Oxu.Az xəbər verir ki, USL-in altıncı turu çərçivəsində həmyerlimizin formasını geyindiyi “Finiks Rayzinq” klubu “San Dieqo Loyal”ı qəbul edib.
Matç meydan sahiblərinin 2:0 hesablı qələbəsi ilə başa çatıb.
Rüfət oyuna start heyətdə daxil olub və 74-cü dəqiqədə əvəzlənib. Bu mövsüm beş qol vuran Dadaşov bu dəfə fərqlənməyib.
Qeyd edək ki, “Finiks Rayzinq” hazırda 16 xalla B qrupunda 1-cidir.
