UEFA Millətlər Liqasının C divizionunun Monteneqro – Azərbaycan oyunu meydan sahiblərinin qələbəsi ilə başa çatıb.
Komandamız vaxtı ilə tarix yazdığı Podqoritsa şəhərində eyni uğura imza ata bilməyib və qrup lideri Monteneqroya 0:2 hesabı ilə uduzub.
Qeyd edək ki, yığmamız 2002-ci ildə Serbiya-Monteneqro ile 2:2 oynamışdı.
Qrupun digər oyununda Lüksemburq öz meydanında Kiprə eyni hesabla qalib gəlib.
18:30
72-сi dəqiqədə rəqib komandanın futbolçusu İqor İvanoviç Bəhlul Mustafazadə və Emil Balayevin səhvindən yararlanaraq hesab arasındakı fərqi artırdı – 2:0.
18:09
UEFA Millətlər Liqasının III turunda keçirilən Monteneqro – Azərbaycan matçında ikinci hissə başlayıb.
17:49
Millmiz Podqoritsa şəhərində keçirilən UEFA Millətlər Liqasının oyununda ilk hissədən sonra Monteneqro yığmasına 0:1 hesabı ilə uduzur.
Komandamız fasiləyə məhz bu hesabla yollandı.
17:15
Futbol üzrə Azərbaycan millisi bu gün növbəti oyununa çıxıb.
Yığmamız Millətlər Liqasında III turun matçına çıxıb.
9-cu dəqiqədə Monteneqro millisinin kapitanı, “Monako” klubunun hücumçusu Stevan Yovetiç künc zərbəsindən sonra başla qapımıza qol vurub.
Yığmamız Monteneqroya səfərdə 0:1 hesabı ilə uduzur.
Qeyd edək ki, ilk matçında evdə Lüksemburqa uduzan (1:2) yığmamız, ikinci oyunda Kiprdə qələbə (1:0) qazanmışdı.
