Meksikanın cənubundakı Mitla şəhərində arxeoloqlar hindular üçün ölülər dünyasına qapı rolunu oynayan tunellər şəbəkəsi aşkarlayıblar.
“Tunellərin uzunluğu barədə fikir söyləmək hələ tezdir. Ola bilsin ki, şəbəkə çox səviyyəli olub”, – arxeoloq Marko Viqato jurnalistlərə bildirib.
2023-cü ildə Meksikanın Milli Antropologiya və Tarix İnstitutunun əməkdaşlarının San Pablo Apostol Katolik Kilsəsinin ərazisində işləməyə başladığı bildirilir. Onun bünövrəsi altındakı torpağın tədqiqi geoloqları çaş-baş salıb.
Qazıntılar nəticəsində arxeoloqlar binadan kənarda uzanan tunellər şəbəkəsini aşkarlayıblar. Bəzi yerlərdə tunellərin dərinliyi 30 metrə çatıb.
