ABŞ Prezidenti Donald Tramp müşavirlərinə İlon Maskın administrasiyadakı hazırkı vəzifəsindən gedə biləcəyini deyib.
Bu barədə ölkə mediası məlumat yayıb.
Onun yaxın həftələrdə indiki vəzifəsindən ayrılacağı bildirilir.
Qeyd olunur ki, Prezident Mask və onun Hökumətin Səmərəliliyi Departamentinin fəaliyyətindən məmnundur, lakin hər ikisi Maskın öz bizneslərinə qayıtması və dəstəkliyici rolunu davam etdirməsi barədə ortaq fikrə sahibdirlər.
Mask hökumət tərəfindən “xüsusi dövlət işçisi” kimi işə götürüldüyündən onun təyinatı 130 gündən çox olmamalıdır. Onun səlahiyyət müddəti mayın sonunda bitir.
Ağ Evin mətbuat katibi Kerolin Levitt isə “X” sosial şəbəkəsində amerikalı sahibkarın dövlət xidmətini tərk edəcəyi ilə bağlı xəbərləri təkzib edib. O qeyd edib ki, Mask yalnız Hökumətin Səmərəliliyi Departamentindəki (DOGE) işi başa çatdıqdan sonra dövlət xidmətini tərk edə bilər.
