Belarus prezidenti Aleksandr Lukaşenko dövlət orqanlarının bir-birinin səlahiyyətlərinə müdaxiləsini və əsassız iclas keçirməsini qadağan edən direktiv imzalayıb.
Prezidentin mətbuat xidmətindən bildirilib ki, sərəncama əsasən, dövlət orqanları və vəzifəli şəxslərin bir-birinin səlahiyyətlərinə müdaxiləsi yolverilməzdir.
Direktiv həmçinin qanunvericilik aktlarında bilavasitə nəzərdə tutulanlar istisna olmaqla, dövlət orqanlarını əvəz edən şuraların, komissiyaların, qrupların və digər ekspert və məşvərət strukturlarının yaradılması və fəaliyyət göstərməsini də istisna edir.
“Əsassız görüşlərin, o cümlədən distant görüşlərin keçirilməsi qadağandır”, – sənəddə deyilir.
Mətbuat xidmətindən bildirilib ki, sənəd hakimiyyəti orqanlarının idarəetmə fəaliyyətinin səmərəliliyinin köklü surətdə artırılmasına, icra intizamının, hər kəsin əməyə sosial məsuliyyətli münasibətinin möhkəmləndirilməsinə yönəlib.
