Ümumdünya Səhiyyə Təşkilatı (ÜST) dünyanın bir çox ölkələrində görülən koronavirusun alt variantı olan JN.1-i sürətlə yayılmasına görə “nəzərə alınmalı variant” kateqoriyasına daxil edib.
COVİD variantının alt variantı Omicron, JN.1, dünyada əhali sıxlığı olan ölkələrdə müşhahidə edilib.
ÜST rəsmiləri deyirlər ki, hazırda əhalinin sağlamlığı üçün risk azdır və mövcud vaksinlər qorunmanı təmin etməyə davam edir. Bununla belə, səlahiyyətlilər xəbərdarlıq edir ki, bu qış COVİD hadisələri və digər infeksiyalar arta bilər. Qrip, respirator sinsitial virus (RSV) və uşaqlıq pnevmoniyası kimi respirator viruslar da Şimal yarımkürəsində artmaqdadır.
ÜST hazırda JN.1 də daxil olmaqla Omicron ilə əlaqəli bir sıra “narahatlıq doğuran variantları” izləyir. Bunun Koronavirusa yoluxma hallarının artmasına səbəb ola biləcəyi proqnozlaşdırılır.
İnfeksiyaların və ciddi xəstəliklərin qarşısını almaq üçün ÜST tövsiyə edir:
İnsanların sıx olduğu və qapalı yerlərdə maska taxın;
Öskürərkən və asqırdıqda ağzınızı bağlayın;
Əllərinizi mütəmadi olaraq təmizləyin;
COVİD və qripə qarşı yeni peyvəndlər edin; (xüsusən də risk kateqoriyasındasınızsa)
Covid simptomları varsa, testdən keçin.
