Azərbaycanda koronavirusa yoluxanların sayı 10 mini keçib. Nazirlər Kabineti yanında Operativ Qərargahın ötəngünkü məlumatına görə, 122 nəfər Covid-19 səbəbi ilə dünyasını dəyişib.
Koronavirusdan ölən şəxslər arasında kifayət qədər tanınmışlar var.
Xalq artisti Teymur Mustafayev
Əməkdar incəsənət xadimi Fərman Bağırov
İş adamı 34 yaşlı Fərid Nəcəfqulu oğlu Əliyev
Gəncə şəhər Təcili Tibbi Yardım xəstəxanasının cərrahı Sürət Abbasov
Azərbaycan Tibb Universitetinin Onkologiya kafedrasının dosenti, tanınmış həkim-onkoloq Fikrət Namazov
Qeyd edək ki, bu virusdan ölənlərin əksəriyyəti yanaşı xəstəliyi olan şəxslərdir. Koronavirusa inanmayan şəxslər bunu əsas götürərək Covid-19 səbəbi ilə dünyasını dəyişənlərin başqa xəstəliyin qurbanı olduğunu iddia edirlər. Lakin bu proses tamamilə bədənin virusla mübarizə mexanizmi ilə bağlıdır. Belə ki, bədən bütün gücünü orqanizmə düşən virusla mübarizəyə sərf etdiyindən immun sistemi tamamilə zəifləyir və ölümlə nəticələnir.
