Koronavirus infeksiyası qanı qatılaşdırır və damarlarda trombların əmələ gəlməsinə səbəb olur ki, bu da çox ciddi ağırlaşmalara və hətta ölümə gətirib çıxardır.
Bunun qarşısını almaq məqsədi ilə bütün dünyada koronavirusun müalicəsində qan duruldan preparatlardan (kleksan, enoksaparin, fraksiparin və s.) istifadə olunur.
Lakin həkimlər xəbərdarlıq edir ki, bu dərmanları yalnız həkimin təyini ilə qəbul etmək olar. Yalnız həkim xəstənin vəziyyətindən, yaşından, arterial təzyiqinin göstəricilərindən, analizlərdən, yanaşı xəstəliklərin olub-olmadığından və s. vacib amillərdən asılı olaraq bu dərmanların dozasını düzgün hesablaya bilər.
Milli.Az bildirir ki, qan duruldan preparatların özbaşına qəbulu ağır mədə-bağırsaq qanaxmaları və hemorragik insulta səbəb ola bilər.
