Kanadada minlərlə yük maşını sürücüsü və digər nümayişçilər pandemiya əlaeyhinə məhdudiyyətlərə etiraz olaraq paytaxt Ottavada Parlament binasını dövrəyə alıb.
Kanadanın baş naziri Castin Trüdo və ailəsi iqamətgahını tərk edib.
Təhlükəsizlik məqsədilə onun yeri gizli saxlanılır.
Trüdonu tənqid edən pankartlar nümayiş etdirən etirazçılar məcburi peyvəndlərin və digər covid məhdudiyyətlərinin ləğvini tələb edirlər.
Polis yüksək döyüş hazırlığına gətirilib.Əhali dinc aksiyaya çağırılır. Bununla belə, yaxın vaxtlarda etirazçıların sayının artacağı gözlənilir.
