İtaliyanın nüfuzlu “Eurasiaticanews.altervista.org” portalında “European News Agency” agentliyinin müxbiri Karlo Marinonun “İlham Əliyev- müasir Azərbaycanın Prezidenti” başlıqlı yazısı dərc olunub.
Materialda Azərbaycan Prezidentinin həyat və fəaliyyəti, onun rəhbərliyi ilə qazanılmış uğurlar geniş təhlil edilib.
Məqalədə deyilir: “Prezident İlham Əliyev əlbəttə ki, inkişaf etmiş Azərbaycan dövlətinin yaradıcısı kimi tarixə düşüb. Bu gün dünya İlham Əliyevi islahatçı Prezident kimi tanıyır və qəbul edir. Dünya Bankının “Doing Business 2020” hesabatında Azərbaycan islahatları həyata keçirən ən yaxşı 20 ölkə arasında yer alır.
Davos Dünya İqtisadi Forumunun hesabatında isə uzunmüddətli hökumət strategiyası baxımından Azərbaycan 10-cu, islahatlara diqqət baxımından 5-ci yerdədir. Bütün bunlar isə Prezident İlham Əliyevin uğurlu və uzaqgörən siyasətinin nəticəsidir”.
