İtaliyanın koronavirusdan ən çox zərər görmüş Lombardiya bölgəsinin Voqera şəhərində əsl faciə yaşanıb.Burada bir həftə ərzində dörd nəfərdən ibarət ailə xəstəliyin qurbanı olub.
İlk növbədə ailənin başçısı, 86 yaşlı Alfredo Bertuççi vəfat edib. Bundan sonra onun iki oğlu – 54 yaşlı Daniele və 46 yaşlı Klaudio dünyasını dəyişib. Sonda isə Alfredonun 77 yaşlı həyat yoldaşı Ancela Alberqati koronavirusla mübarizədə məğlub olub.
Onların hamısı eyni xəstəxanada müalicə alıb və koronavirusa yoluxandan əvvəl sağlamlıqlarından şikayət etməyib.
“Bu əsl faciədir. Onlar güclü və sağlam insanlar idi”, – deyə ailənin dostu Massimo Covanni Fazano bildirib.
