İşğalçı ölkədə yaxın gələcəkdə bank üçün qızıl külçələr istehsal edən qızıl affinaj zavodu açılacaq.
Ermənistan mediasının yaydığı məlumata görə, bu barədə parlamentdə “Çiçəklənən Ermənistan” fraksiyasının deputatlarından birinin sualına cavab verən mərkəzi bankın sədri Artur Cavadyan danışıb. O deyib ki, zavod mərkəzi bankı da əhəmiyyətsiz faizlərlə və “səssiz investor statusu” ilə investisiya edəcək. Məlum olub ki, işğalçı ölkədə tikiləcək qızıl zavodunun əsas investoru İşveçrənin iri şirkətlərindən biridir. Zavodun böyük istehsal potensialı olacaq.
Qeyd edək ki, affinaj – müxtəlif səviyyəli kimyəvi təmiz qızıl əldə etmək prosesidir və onun vasitəsilə bankın ehtiyacları üçün istifadə edilən qızıl külçələr hazırlanır.
P.S. Bildiyimizə görə, Azərbaycanda da qızıl affinaj zavodu yoxdur. Və bu sahədə İsveçrənin məşhur “Argor-Heraeus” şirkəti ilə əməkdaşlıq edilir.
