Ermənistan Xarici İşlər Nazirliyinin binası yüzlərlə polis tərəfindən mühasirəyə alınıb.
Baş nazir Nikol Paşinyan Xarici İşlər Nazirliyinin əməkdaşlarını Ermənistanda 2 martda qeyd olunan Diplomatik İşçi Günü münasibətilə təbrik etmək üçün gələcək.
Media nümayəndələri də daxil olmaqla, heç kimin Xarici İşlər Nazirliyinin binasına yaxınlaşmasına icazə verilmir, binaların damlarında snayperlər müşahidə aparır.
***
10:53
Ermənistanın müxalifət qüvvələrindən ibarət Vətənin Xilası Hərəkatının növbəti kütləvi mitinqi keçiriləcək.
Baş nazir Nikol Paşinyanın istefasını tələb edən etirazçılar Xarici İşlər Nazirliyinin binası qarşısına toplaşacaq.
N.Paşinyanın bu gün saat 12:30-da Xarici İşlər Nazirliyinin inzibati binasında görüşü planlaşdırılıb. Müxaliflər baş naziri qabaqlayaraq saat 12:00-da aksiyanı başlatmaq niyyətindədir.
Aksiyanın əsas şüarı ənənəvi “Nikolsuz Ermənistan”dır.
