İstanbul Baş Prokurorluğu İstanbul Böyükşəhər Bələdiyyə sədri Əkrəm İmamoğlunun da saxlanıldığı iki istintaqın təfərrüatını paylaşıb.
İstintaqı Baş Prokurorluğun Mütəşəkkil Cinayətkarlığa Qarşı İstintaq Bürosu aparıb.
Açıqlamaya əsasən, İmamoğlu iş adamlarını pul verməyə məcbur etməkdə, çirkli pulları yumaqda, pulların köçürülməsi və yığılmasında “gizli seyflər” adlandırılan mülki şəxslərdən istifadə etməkdə, şəxsi məlumatların qanunsuz əldə edilməsində, rüşvətxorluq, qəsb, qanunsuz satınalmalar kimi cinayətlərlə ittiham olunur.
Həmçinin bildirilib ki, İmamoğlu İBB sədri olduqdan sonra Beylikdüzü Bələdiyyə Başçısı olduğu müddətdən bəri yanında olan şəxsləri İBB tabeliyinə təyin edib. Şübhəlilər bir çox cinayət təşkilatı və cinayət işlərinin idarə edilməsini təmin etmək üçün öz alt strukturlarını yaradıblar.
Onların peşəkar iş yolu ilə mütəşəkkil qaydada tenderlərin saxtalaşdırılması, ixtisaslı saxtakarlıq, hədə-qorxu ilə tələb etmə hərəkətləri törətdikləri müəyyən edilib.
