Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev öz “Twitter” səhifəsində Ermənistan ordusunun müvəqqəti atəşkəsə əməl etmədiyini, bu gün Goranboy və Füzuli rayonunun kəndlərini raket atəşinə tutduğunu sübut edən fotolar paylaşıb.
“Ermənistanın Azərbaycana qarşı raket hücumları davam edir. Bu raket Füzuli bölgəsinin kəndlərinə yönəldilib, lakin xoşbəxtlikdən əkinçilik sahəsinə düşüb. Ermənistan bunu inkar etməyə davam edəcək. Ermənistan regional sülh və təhlükəsizliyə təhdid mənbəyi olaraq qalır”, – deyə H.Hacıyev qeyd edib.
Armenia’s missile attack against Azerbaijan continues. This missile was directed to villages of Füzuli region but luckily landed in agricultural field. Armenia will continue deny it. Armenia remains source of threat to regional peace and security. ANAMA is in operation. pic.twitter.com/tg2HXvlsX5
— Hikmet Hajiyev (@HikmetHajiyev) October 10, 2020
Ali Baş Komandanın köməkçisinin digər “Twitter” paylaşımı isə Goranboy rayonun ərazisinə atılan raketlərlə bağlı olub.
“Ermənistan ordusu Azərbaycanın Goranboy bölgəsini çoxlu raket atəşinə məruz qoyub. ANAMA-nın mütəxəssisləri hadisə yerindədirlər və raketləri təsirsiz hala gətirmək üçün lazımi əməliyyatı həyata keçirirlər. Ermənistan peşəkar yalan sənətinə davam etməkdədir”, – H.Hacıyev qeyd edib.
CLUSTER Munitions. Armenia fired cluster missile to Goranboy region of Azerbaijan. @ANAMA_gov_az undertakes necessary operation to neutralise on the spot. Armenia will continue its art of professional lies. pic.twitter.com/usXLU6MjDK
— Hikmet Hajiyev (@HikmetHajiyev) October 10, 2020
