Oktyabrın 20-də Heydər Əliyev Mərkəzinin parkında Azərbaycanın Dövlət Müstəqilliyi Gününə həsr olunan konsert keçirilib.

Heydər Əliyev Fondunun vitse-prezidenti Leyla Əliyeva konsertdə iştrak edib.

Konsert poqramında Azərbaycanın estrada ulduzları məşhur mahnılarını səsləndiriblər.

Rusiyada yaşayıb-fəaliyyət göstərən tanınmış azərbaycanlı ifaçılar Elman, Ellai, Bahh Tee konsertdə xüsusi qonaq olaraq iştirak edib, populyar kompozisiyalarını ifa ediblər.

Daha sonra müğənni-bəstəkar EMİN öz repertuarından bir sıra məşhur mahnılarını ifa edib.

***

22:14

Oktyabrın 20-də Heydər Əliyev Mərkəzinin parkında Azərbaycan estrada ulduzlarının iştirakı ilə konsert keçirilir.

18 oktyabr-Azərbaycanın Dövlət Müstəqilliyi Gününə həsr olunan konsertdə Röya, Miri Yusif, Murad Arif, “Natiq” ritm qrupu, “Mirvari” rəqs qrupu çıxış edir.

Konsertin xüsusi qonaq müğənniləri də var. Belə ki, müğənni-bəstəkar EMİN, Rusiyada yaşayıb-fəaliyyət göstərən tanınmış azərbaycanlı ifaçılar Bahh Tee (Bəxtiyar Əliyev), Ellai (Elvin Əliyev), Elman (Elman Zeynalov) konsertin xüsusi qonaqlarıdır. Onlar öz məşhur kompozisiyalarını səsləndirəcək.

19:00-da başlayan konsertə giriş sərbəstdir.