Yaşasaydı 84 yaşı olacaqdı, Allah rəhmət etsin, gözəl insan, əqidəli şəxsiyyət,
bizlərin əzizi, Zəngəzurun nüfuzlu ağsaqqallarından biri Həmdulla Şıxəlizadəyə.
Ruhun şad, məkanın cənnət olsun!
Hacı Həmdulla Əli oğlu Şıxəliyev 1939-cu ilin aprel ayının 6-da Zəngilan
rayonunun Bartaz kəndində, kəndli ailəsində anadan olub.
1957-ci ildə Zəngilan rayonunun Bartaz kənd məktəbinin 10-cu sinifini bitirib.
1958-ci ilin yanvarında Saatlı rayon Kənd Təsərrüfatı Mexanikləşdirmə məktəbini
bitirib.
1959-cu ilin yanvarından 1963-cü ilin may ayına kimi Bartaz 26 Komissar adına
kolxozda mexanizator işləyib.
1963-cü ilin may ayından İ.Sayılov adına Bartaz kənd orta məktəbində kargüzar;
1964-cü ilin fevral ayına kimi məktəbdə emalatxana rəhbəri işləyib.
1964-cü ildə N.Tusi adına ADPU-nin Dil-ədəbiyyat fakültəsinə daxil olub; 1971-
ci ildə oranı qiyabi olaraq bitirib.
1978-ci ilin sentyabr ayında İ.Sayılov adına Bartaz kənd məktəbinə direktor təyin
olub.
12 fevral 1992-ci ildə Zəngilan rayon İcra Hakimiyyəti Başçısının Bartaz kənd
Ərazi nümayəndəsi təyin olunub.
1999-cu ilin mart ayında Səudiyyə Ərəbistanın Məkkə-Mədinə ziyarətində olub,
Hacı titulunu qazanıb. Hacı Həmdulla xanımı Məşədi Tehranla (foto).
2011-ci ilin iyul ayında Dövlət Qulluqçusu kimi təqaüdə göndərilib. Zəngilan
rayonu 4 saylı orta məktəbdə ixtisası üzrə dərs demişdir.
Həmdulla Əli oğlu Şıxəliyev Qarabağ müharibəsi veteranıdır. Həmdulla Əli oğlu
Şıxəliyev Mətbuat səhifələrində maraqlı yazıları ilə oxuculara tanışdır.
“Bir daha erməni riyakarlığı haqqında” I cild, “Səyahətnamə. Zəngilanın
Cənub-Qərb bölgəsi üzrə ermənilərin vəhşiliyi və riyakarlığı haqqında” II cild,
“Zəngilanın gəlimli-gedimli Bartazı” əsərlərinin müəllifidir.
Hacı Həmdulla müəllim elimizə aid çox məlumatlı bilgilərə sahib olan dəyərli
insan idi. Hacı Həmdulla Əli oğlu Şıxəliyev uzun çəkən xəstəlikdən sonra 15.09.2023-
cü il tarixində həyata gözərini əbədi yumdu. Allah rəhmət eləsin!
