Həkim-terapevt Roman Lısak yaz aylarında immun sistemini gücləndirmək üçün evdən çıxmağı məsləhət görüb.
Bu barədə o, “RİA FederalPress”ə açıqlamasında deyib.
“Yazda sağlam həyat tərzi keçirmək həmişəkindən daha vacibdir: iş və istirahət balansını qoruyun, fiziki aktiv olun, o cümlədən düzgün rasion tərtib edin”, – mütəxəssis vurğulayıb.
Onun sözlərinə görə, qida istehlakının miqdarına görə qidalanma balanslaşdırılmalıdır. Zülallar immunitetdən məsul olan hüceyrələr üçün bünövrə rolunu oynayır, onların əksəriyyəti ətdə olur. Az yağlı növləri seçməyə çalışın, toyuq, hinduşka, dovşan, az yağlı balıq növləri də faydalıdır. Soya, lobya, noxud kimi bitki zülallarına laqeyd yanaşmayın. Bundan əlavə, orqanizmin meyvə, tərəvəz, göyərti və dənli bitkilərdə olan mikroelementlərə ehtiyacı var. Zoğal, bal, zəncəfil, sarımsaq, çobanyastığı, itburnu və digər bitki çayları da immun sistemini gücləndirməyə kömək edəcək.
Zəiflik, yorğunluq və yuxusuzluq orqanizmdə yod və D vitamini çatışmazlığından yaranır. Belə əlamətlər olanda həkim tez-tez bu mikroelementləri tablet şəklində təyin edir. Lısak xəbərdarlıq edib ki, onları özünüz təyin etməməlisiniz, ancaq endokrinoloqun yazdığı vitamin və qida əlavələrini ala bilərsiniz.
O, əsas gigiyena şərtlərini də xatırladıb: dişlərinizi fırçalayın, əllərinizi yuyun, evi mütləq havalandırın və həftədə ən azı iki dəfə təmizlik edin.
“Yatın və gəzin. Bədəni yuxusuzluq qədər heç nə daha çox yaşlandırmır. Qapalı yerlərdə (ev, iş) çox qalmaq və oturaq həyat tərzi vəziyyəti daha da ağırlaşdırır. Bahar gəlib, evdən çıxın!”, – həkim məsləhət görüb.
