Yaponiya aviaşirkətləri ölkənin cənub-qərb hissəsində tüğyan edən güclü “Fransisko” tayfununa görə 150-dən çox təyyarə reysini təxirə salmağa məcbur olub.
Aviareyslər əsasən Kyusyu adasını ölkənin digər bölgələri ilə birləşdirən daxili istiqamətlərdə təxirə salınıb.
Pis hava şəraiti ölkənin cənub-qərbindəki dəmir yolu nəqliyyatında da fasilələrə səbəb olub.
Güclü külək və leysan yağışları insanlar üçün olduqca təhlükəlidir: 15 mindən çox yaponiyalı təxliyə barədə məlumatlandırılıb.
“Fransisko” Sakit okeandan Koreya yarımadası istiqamətində hərəkət edir, ordan isə Vladivostoka üz tutacaq.
