Soçi sammitinin nəticələri, eyni zamanda, Rusiya, Azərbaycan və Ermənistan liderlərinin birgə bəyanatı rəsmi İrəvanın uğursuzluğunu isbat edir.
Ekspertin sözlərinə görə, hərçənd İrəvan və Bakı arasında münasibətlərin tənzimlənməsi üçün təklif edilmiş Rusiya modeli qəbul olunmasa da, hər hansı şifahi razılıqların əldə olunması da istisna deyil.
Akopyan Praqa prosesinin davam etdiriləcəyini düşünür.
O hesab edir ki, Soçidə qəbul olunmuş üçtərəfli bəyanatda qondarma “Dağlıq Qarabağ”ın adının çəkilməməsi, öz müqəddəratının təyin etmə hüququnun qeyd edilməməsi və Azərbaycan Silahlı Qüvvələrinin guya Ermənistanın suveren ərazisində olmasına dair iddianın öz əksini tapmaması nəticə etibarı ilə Ermənistan tərəfi üçün ciddi uğursuzluqdur.
