Türkiyə Prezidenti Rəcəb Tayyib Ərdoğan fransalı həmkarı Emmanuel Makronla telefon danışığı aparıb.
Bu barədə Türkiyə KİV-i məlumat yayıb.
Söhbət zamanı Ərdoğan Türkiyənin Rusiya-Ukrayna münaqişəsinə son qoymaq üçün səylərini davam etdirdiyini vurğulayıb.
O qeyd edib ki, Türkiyə sülh danışıqlarına ev sahibliyi də daxil olmaqla böyük töhfə verə bilər. Ərdoğan əlavə edib ki, münaqişənin hər iki tərəfini istisna etməyən danışıqlar prosesinə başlamaq vacibdir.
Fevralın 18-də Ukrayna Prezidenti Volodimir Zelenski Ankarada Ərdoğanla Rusiya-Ukrayna münaqişəsinin həlli ilə bağlı danışıqlar aparıb. Türkiyə liderinin internet saytında siyasətçilərin Türkiyə və Ukrayna arasında strateji tərəfdaşlığın bütün aspektlərini, ölkələr arasında əməkdaşlığın daha da gücləndirilməsi üçün atılması lazım olan addımları və Ankaranın Kiyevə verə biləcəyi təhlükəsizlik zəmanətlərini nəzərdən keçirdikləri bildirilib.
