“Dünyanın ən kasıb prezidenti” kimi tanınan Xose Muxika vəfat edib.
Bu barədə Uruqvayın hazırkı lideri Yamandu Orsi “X” sosial şəbəkəsində məlumat verib.
“Yoldaşımız Pepe Muxikanın vəfatını dərin hüznlə elan edirik”, – deyən Orsi Muxikaya Uruqvay xalqına göstərdiyi “böyük sevgi” üçün təşəkkür edib.
Daha əvvəl bildirilmişdi ki, 2025-ci ilin yanvarında Xose Muxika xəstəliyin digər orqanlara keçdiyi məlum olduqdan sonra qida borusu xərçənginin müalicəsindən imtina edib .
Xatırladaq ki, Muxica 2010-2015-ci illərdə Uruqvaya rəhbərlik edib və təvazökar həyat tərzi sürməsi və demək olar ki, bütün maaşını xeyriyyəçiliyə bağışlaması ilə tanınıb.
Muxikanın kasıb rayonlardan 30-40 uşağı övladlığa götürmək arzusunun olduğu da bildirilir.
