Ginnesin Rekordlar Kitabına daxil olan kətan üzərində dünyanın ən böyük rəsm əsəri Dubayda keçirilən auksionda 63 milyon dollara satılıb.
Satışdan əldə olunan gəlirin YUNISEF və YUNESKO kimi xeyriyyə təşkilatlarına bağışlanacağı bildirilib.
2020-ci ildə tamamlanan və təxminən 1600 kv.metr ölçüsü olan əsər ingilis sənətçisi Sacha Jafri tərəfindən hazırlanıb və “The Journey of Humanity”(İnsanlığın səyahəti) adlanır.
Sənətçi əsəri satmaq üçün onu 60 müxtəlif hissələrə bölüb və ayrılıqda 4 fərqli auksionda satışını həyata keçirmək istəyib. Lakin əsərin tam formasının alıcısı tapılıb.
Sənət əsərində 300-dən çox boya və təxminən 1065 fırça istifadə olunub. Ölçüsü iki futbol meydançasından daha böyükdür. Rəssam bu əsəri gündə 20 saat çalışaraq ərsəyə gətirib.
