“Ruben Vardanyan kimi insanlar Rusiya sülhməramlılarının müvəqqəti yerləşdikləri Azərbaycan ərazilərinə aparılırlar. Onun əli ilə Azərbaycan-Ermənistan sülh gündəliyinə maneə yaratmaq istəyirlər”.
Bunu Milli Məclisin iclasında deputat Azay Quliyev deyib.
O bildirib ki, Azərbaycan prosesləri çox diqqətlə izləyir.
“Zamanı gələndə digər məsələlər də öz həllini tapacaq, Azərbaycan lazımi cavab addımları atacaq. Ermənistan üzərinə götürdüyü öhdəlikləri yerinə yetirməsə, o zaman yaranacaq vəziyyətə görə məsuliyyət İrəvanın üzərinə düşəcək”, – deyə o əlavə edib.
Azay Quliyev Ermənistanın təxribatlarına baxmayaraq, Cənubi Qafqaza sülh gələcəyinə ümid etdiyini bildirib.
Xatırladaq ki, rusiyalı milyarder Ruben Vardanyan bir müddət öncə Xankəndiyə gəlib. Vardanyan orada siyasi fəaliyyətlə məşğuldur.
