Bir sıra tədqiqatlar depressiya əlamətləri ilə bədən istiliyi arasında əlaqəni üzə çıxarıb.
San-Fransisko Kaliforniya Universitetindən (UCSF) bir qrup yeddi ay ərzində toplanmış 20880 nəfərin məlumatlarını təhlil edərək depressiyadan əziyyət çəkən insanların bədən istiliyinin daha yüksək olduğunu təsdiqləyib.
106 ölkədən respondentləri əhatə edən yeni araşdırma, yüksək bədən istiliyinin depressiyaya səbəb olduğunu və depressiyanın bədəni istiləşdirdiyini göstərən çox az dəlil tapır.
Bununla belə, bunun tədqiq etməyə dəyər bir əlaqə olduğu söylənilir. Normal bədən istiliyinin qorunması kimi sadə bir şey depressiya əlamətlərini idarə etməyə kömək edə bilərsə, bu, bütün dünyada milyonlarla insana sağalma şansı verə bilər.
Tədqiqatçılar hesab edirlər ki, bu əlaqənin bir neçə səbəbi ola bilər. Depressiyanın əlavə istilik yarada bilən metabolik proseslərlə və ya düzgün işləməyən bioloji soyutma funksiyaları ilə əlaqəli olduğu düşünülür. Həm bədən istiliyinə, həm də depressiya əlamətlərinə ayrı-ayrılıqda təsir edən zehni stress kimi ümumi bir səbəb də ola bilər.
Elm adamları indi bilirlər ki, depressiya mürəkkəb, çoxşaxəli bir çox fərqli tetikleyicilərə malik bir xəstəlikdir.
Xatırladaq ki, əvvəlki tədqiqatlar göstərib ki, isti vanna və saunalar kiçik qruplarda da olsa depressiya əlamətlərini azalda bilər. Nəticələrdən alimlər belə qərara gəliblər ki, tərləmə nəticəsində yaranan özünü soyutma həm də zehni təsir göstərir.
Tədqiqat nəticəsində məlum olub ki, depressiya əlamətləri şiddətləndikcə, insanların orta bədən istiliyi yüksəlir. Daha yüksək depressiya skorları və aşağı gündəlik temperatur dalğalanmaları arasında müəyyən bir əlaqə də var idi, lakin statistik cəhətdən əhəmiyyətli səviyyədə deyil.
Hesab edilir ki, dünyada insanların təxminən 5 faizi depressiyadan əziyyət çəkir və onu anlamaq, effektiv müalicə etmək üçün səylər həmişəkindən daha aktualdır.
