Yaxın Şərqdə İsrail, “Hizbullah” və İran arasında Rusiya və ABŞ-ı cəlb edə biləcək böyük müharibə hazırlanır.
Bu barədə ABŞ-ın “Forbes” jurnalının baş redaktoru Stiven Forbs bildirib.
Onun sözlərinə görə, İsrail, “Hizbullah” və İran arasında toqquşma qaçılmazdır:
“Belə bir münaqişə tezliklə genişlənəcək və potensial olaraq təkcə ABŞ-ı deyil, həm də Rusiyanı cəlb edə bilər. Bundan əlavə, bu, Çini daha da aqressiv hərəkətlərə sövq edə bilər ki, bu da Pekin və Vaşinqton arasında qarşıdurmaya səbəb ola bilər”.
Forbs Livanın cənubunda baş verəcək qarşıdurmanın yaxın gələcəkdə başlaya biləcəyini vurğulayıb.
