Uzunmüddətli Ukrayna böhranını iki əsas yolla həll etmək olar.
Bunu israilli politoloq Yakov Kedmi “Belta” agentliyinə müsahibəsində deyib.
Onun fikrincə, münaqişənin sona çatması üçün iki ssenari var. Birincisi, diplomatik danışıqlardır. Ekspert hesab edir ki, bu variantı həyata keçirmək üçün ABŞ-ın yeni administrasiyası Rusiyanın şərtləri ilə razılaşmalı olacaq.
Kedmi hesab edir ki, Vaşinqtonda Moskvanın bütün tələbləri nəzərə alınarsa və Amerika tərəfi onları yerinə yetirməyi öhdəsinə götürərsə, o zaman Ukraynada münaqişənin aktiv fazası yaxın gələcəkdə başa çata bilər.
“Lakin ABŞ-ın yeni rəhbərliyi bu yolla getməyə hazır olmasa, Rusiyanın vəziyyəti həll etmək üçün yalnız bir variantı olacaq – Ukrayna Silahlı Qüvvələrinin tam hərbi məğlubiyyəti və dövlətçiliyinin itirilməsi”, – politoloq yekunlaşdırıb.
