Yeni zelandiyalı həkimlər koronavirusa yoluxmuş sonuncu xəstənin müalicə olunaraq evə buraxıldığını və son iki həftə ərzində ölkədə virusa yeni yoluxma halının aşkarlanmadığını bildiriblər.
Bu barədə Yeni Zelandiyanın Milli Səhiyyə Nazirliyindən məlumat verilib.
Rəsmi məlumata əsasən, Yeni Zelandiyada virusa son yoluxma 22 mayda qeydə alınıb. Ümumilikdə, 295 min insan koronavirus testindən keçib.
