Çin Antidopinq Agentliyi ölkədə yayılan koronavirusa görə fəaliyyətini müvəqqəti dayandırıb.
Bu barədə Beynəlxalq Test Agentliyi (ITA) məlumat yayıb.
Qurumdan bildirilib ki, hazırkı vəziyyətdə idmançıları və digər şəxsləri təhlükəyə atmamaq üçün diqqətli olmaq lazımdır: “Antidopinq fəaliyyətinin əhəmiyyətini qəbul etsək də, insanların sağlamlığına diqqət yetirmək prioritetdir. Vəziyyət düzələndə CHINADA işləməyə davam edəcək”.
ITA Çində antidopinq testləri aparmaq üçün özəl tərəfdaş axtarır.
Qeyd edək ki, Çində koronavirusun indiyədək aşkar edilməmiş ştammına (2019-nCoV) yoluxanların sayı 19 700, bu virus səbəbindən ölənlər isə 425 nəfərə çatıb.
