Bu gün UEFA Çempionlar Liqasında 1/4 və yarımfinal mərhələlərinin püşkü atılacaq.
İsveçrənin Nyon şəhərindəki tədbir Bakı vaxtı ilə saat 15:00-da başlayacaq.
1/4 finalda İspaniyanın “Atletiko Madrid”, “Real Madrid”, “Vilyarreal”, İngiltərənin “Liverpul”, “Mançester Siti”, “Çelsi”, həmçinin Almaniyanın “Bavariya” və Portuqaliyanın “Benfika” klubları iştirak edəcək.
Qeyd edək ki, 1/4 finalın ilk oyunları 5-6 apreldə, cavab qarşılaşmaları isə 12-13 apreldə gerçəkləşəcək. Yarımfinalın ilk görüşləri 26-27 apreldə, cavab qarşılaşmaları 3-4 mayda olacaq. Final mayın 28-də Fransanın paytaxtı Parisdəki “Stad de Frans”da olacaq.
