Diyetoloq Oliviya Morrison və qastroenteroloq-diyetoloq Ketrin Neşin fikrincə, kimçi və duzlu kələmin müntəzəm istehlakı maddələr mübadiləsini yaxşılaşdırmağa, bağırsaq mikroflorasını zənginləşdirməyə və bədənin ümumi sağlamlığını yaxşılaşdırmağa kömək edir.
Bu barədə ekspertlər “The Sun” nəşrinə danışıb.
Ketrin Neş qeyd edib ki, həm kimçi, həm də duzlu kələm bağırsaq florasının müxtəlifliyini artıran fermentləşdirilmiş qidalardır. Onun sözlərinə görə, bu, arıqlamaq üçün faydalıdır, həmçinin immuniteti gücləndirməyə kömək edir.
Morrison izah edib ki, sadə kələm yeməklərinin müntəzəm istifadəsi sayəsində xolesterinin səviyyəsini və bədən yağını azaltmaq, qanda şəkər səviyyəsini sabitləşdirmək mümkün olub. Həmçinin əlavə edib ki, ürək-damar xəstəliklərinin, bağırsaq və döş xərçənginin qarşısının alınmasında kələm çox təsirlidir.
