Yerdə ən yüksək (beşinci) səviyyəli maqnit qasırğası baş verir. Belə hal sonuncu dəfə 20 il əvvəl qeydə alınıb.
Bu barədə Rusiya Elmlər Akademiyası Kosmik Tədqiqatlar İnstitutunun Günəş Astronomiya Laboratoriyasının rəhbəri Sergey Boqaçov məlumat verib.
“Yer kürəsində ən yüksək səviyyəli maqnit qasırğası var. 20 illik fasilədən sonra. Səviyyə G5″, – o qeyd edib.
Həkimlərin sözlərinə görə maqnit qasırğalarının ən çox yayılmış təsiri baş ağrılarıdır. Mütəxəssislər maqnit qasırğaları zamanı insalara iş tempini azaltmağı, idmançılara isə orta səviyyəli məşqlərə keçməyi tövsiyə edib.
